12 May 2026
Kode buku: 0024180501
Judul: Pangrumat Basa Sunda pikeun Murid SD/MI Kelas 6/KM Rev. GPW
ISBN: 9786342663332
Penerbit: Erlangga
Penulis: Tim Motekar (Yayat Sudaryat, Dedi Koswara, Usep Kuswari)
Editor: M. Syarifudin
Ukuran: 17,5 x 25 cm
Halaman: 104
Pangrumat Basa Sunda hartina alat atawa pakakas pikeun miara, ngamumulé, tur ngarumat basa Sunda, kaasup sastra Sunda. Ari tujulna pikeun mantuan murid diajar tur miara basa Sunda. Pidangan dina ieu buku dumasar kana Kurikulum Merdéka Capaian Pembelajaran (CP) Basa Sunda SD/MI maké Pamarekan Pembelajaran Mendalam (Deep Learning) dina ngahontal élemén profil lulusan jeung karakter Gapura Panca Waluya (Cageur, Bageur, Bener, Pinter, Singer).
Matéri lulugu (ésénsial) dina tiap-tiap fase jeung kelas rata-rata aya opat, anu matéahkeun téks fiksi (rékaan) jeung téks nonfiksi (kanyataan). Ieu dua wanda téks téh jadi medium komunikasi basa lisan jeung basa tulis, boh réséptif (ngaregepkeun, maca, miarsa) boh produktif (nyarita, midangkeun, nulis).
Dumasar kana élemén kaparigelan basa jeung lengkah pembelajaran mendalam, pidangan dina ieu buku dibagi jadi tilu kagiatan diajar. Ari wincikan kagiatan diajarna kieu.
1. Panyangkem Basa, eusina kagiatan diajar ngeunaan basa Sunda dina wangun ngaregepkeun jeung maca-miarsa téks sarta maham eusina (Pemahaman).
2. Panggelar Basa, eusina kagiatan diajar kedaling basa Sunda dina wangun nyarita-midangkeun jeung nulis téks, kaasup ngawuwuhan jeung ngajembaran kaweruh basa katut sastra (Penerapan/Aplikasi).
3. Panglenyep Basa, eusina kagiatan umpan balik ngeunaan pangalaman diajar nu geus dilaksanakeun (Réféksi): Lembur kuring, Gapura Panca Waluya, jeung swalenyep (Refleksi diri).
Ku cara kagiatan diajar basa Sunda kawas kitu, dipiharep prinsip Pembelajaran Mendalam, nyaéta Misadar (Mindful), Miharti (Meaningful), jeung Mibagja (Joyful) bisa kahontal.